Թեհրանում միջսիրիական երկխոսության առաջին օրը որոշում են ընդունել կոմիտե ստեղծել կրոնական համայնքների և ցեղային ընտրախավի նշանավոր ներկայացուցիչների մասնակցությամբ, որը կկոորդինացնի քաղաքական կարգավորմանն ուղղված ջանքերը: Այս մասին հայտարարել է համաժողովի նախաձեռնողը` Իրանի արտգործնախարար Ալի Ակբար Սալեհին: Համաժողովին մասնակցում են 40 լոյալ և ընդդիմադիր կուսակցությունների ղեկավարներ, որոնք գործում են Սիրիայի ներսում, խորհրդարանի պատգամավորներ, խմբերի առաջնորդներ, անկախ անհատներ, արտասահմանցի պատգամավորների 40 հոգանոց խումբ, փոխանցում է vesti.ru-ն:
«Սիրիայի ժողովուրդը, ինչպես ցանկացած այլ երկրի ժողովուրդ, արժանապատիվ ապրելու, բազմակարծութան և ազատ ընտրությունների իրավունք ունի»,- հայտարարարել է Սալեհին: Նրա խոսքով` Թեհրանում հավաքվել են նրանք, ովքեր հանդես են գալիս հօգուտ ճգնաժամի խաղաղ կարգավորման: Նա պատրաստվում է մեծացնել մասնակիցների թիվը և նարգրավել այն կուսակցություններին, որոնք հրավիրված են եղել, բայց չեն եկել Իրան:
Ազգային հաշտեցման պետնախարար Ալի Հեյդարը, որը Սիրիայի ազգային սոցիալական կուսակցության ղեկավարն է, հայտարարել է, որ «կառավարությունը պատրաստ է երկխոսություն վարել բոլորի հետ, ովքեր մերժում են արտաքին միջամտությունն ու բռնությունը: Նա քննադատել է նոյեմբերի 11-ին Դոհայում ստեղծված Ընդդիմադիր և հեղափոխական ուժերի ազգային կոալիցիային՝ որդեգրած քաղաքականության համար`«հակամարտության հետագա բորբոքում մինչև այն կետը, որտեղից արդեն վերադարձ չի լինի»: Նրա խոսքով` «իրկանությունն այնպիսին է, որ ճգնաժամից ելքը կարող է գտնվել միայն երկխոսության և քաղաքական միջոցներով:
Սիրիայում մարտերը շարունակվում են: Կիրակի օրը ծայրահեղականները Դամասկոսի արևմուտքում կրակ են բացել բնակելի թաղմասի վրա, ինչի հետևանքով մի քանի մարդ է տուժել, որոնցի երկուսը ծանր վիճակում են:
Մեզզա-Ջեբել թաղամասում ևս կրակը շարունակվում է: Մեզզա ավտոմայրուղու վրա ականապատ ավտոմեքենա է պայթել:
