Ուրուգվայի նախագահ Խոսե Մուխիկան ոչ միայն աշխարհի ամենաաղքատ նախագահներից մեկն է, այլև աչքի է ընկնում իր համեստությամբ:
Եթե աշխարհի ամենաաղքատ նախագահների, նախարարների մրցույթ անցկացնեն, ապա հաղթող կդառնա Ուրուգվայի նախագահ Խոսե Մուխիկան: Հարավամերիկյան այդ փոքր երկրի առաջնորդը ապրում է հին, կիսաքանդ ֆերմայում, որը գտնվում է մայրաքաղաք Մոնտեվիեդոյի մերձակայքում, վարում է 20 տարվա հնության ավտոմեքենա և իր աշխատավարձի 90%-ը՝ գրեթե 12 հազ. դոլար, ուղղում է բարեգործության:
Մեծ տպավորություն է գործում նախագահական նստավայրը, որը պահպանում են երկու ոստիկաններ և երեք ոտք ունեցող մի շուն՝ Մանուել անվամբ: Ռազմական խունտայի դեմ պայքարելու համար 14 տարի բանտում անցկացրած նախագահը ջուրը վերցնում է բակի ջրհորից, այնտեղ էլ պարանի վրա չորանում է լվացքը: Մուխիկան այդ ֆերմայում ապրում է կնոջ հետ:
«Կյանքիս մեծ մասը ես ապրել եմ այստեղ: Ինձ լիովին բավարարում է այն ամենը, ինչը մենք ունենք»,- ասում է Մուխիկան:
Համաձայն Մուխիկայի վարկային դեկլարացիայի՝ 2010 թ. համար նրա կարողությունը կազմել է 1800 դոլար: Հենց այդքան է կազմում է 1987 թ. «բզեզը», որը նշում է իր 25-ամյակը: Այս տարի նա դեկլարացիայի մեջ հավելել է Ուրուգվայի առաջին տիկնոջ կարողությունը, որը կազմում է 215.000 դոլար: BBC-ի հաղորդմամբ՝ այս կարողությունը 1/3-ով քիչ է, քան փոխնախագահ Դանիլո Աստորիինը, և 2/3-ով պակաս է Մուխիկայի նախորդ Տաբարե Վասկեսի կարողությունից:
