Նախագահի ընտրությունից մեկ շաբաթ անց ամերիկյան 7 նահանգներ հավաքել են երկրի կազմից դուրս գալու մասին միջնորդությունների ներքո ստորագրությունների անհրաժեշտ թվաքանակ: Այս մասին գրում է RIA Novosti-ն:
Միջնորդությունների քննարկում «պահանջող» ավելի քան 25 հազար ստորագրությունները ներկայացրել են այն նահանգները, որոնք ներառված են «կարմիր գծում», այսինքն՝ որոնք ավանդաբար քվեարկում են Հանրապետական կուսակցության թեկնածուների օգտին: Դրանք են Տեխասը, Լուիզիանան, Հյուսիսային Կարոլինան, Ալաբաման, Ջորջիան, Թենեսին, ինչպես նաև դեմոկրատամետ Ֆլորիդան:
Պահպանողականության պատվար համարվող Տեխասը միջնորդության ներքո ավելի քան 100 հազար ստորագրություն է հավաքել՝ ստանալու անկախ պետության կարգավիճակ: Տեխասը միակն է, որ դաշնության աստղագծավոր դրոշի ներքո միացել է մյուս նահանգներին՝ որպես անկախ պետություն՝ ԱՄՆ-ի կազմից դուրս գալու իրավունքով:
Մեքսիկայից առանձնանալու (1836) և ԱՄՆ-ի կազմ մտնելու (1846) միջակայքում Տեխասը գոյություն է ունեցել որպես անկախ պետություն:
Վերջին անգամ 11 նահանգներ դուրս են եկել միության կազմից 1860 թվականին և 1861-ին Ա.Լինքոլնի ընտրվեուց հետո ստեղծել անկախ համադաշնություն: Դրան հաջորդել է քաղաքաքացիական պատերազմը, որի արդյունքում միության միասնությունը վերականգնվել է (1865):
