«Ժողովուրդ»-ը գրում է. «ԱԺ նախագահ Գալուստ Սահակյանին և ՀՀԿ խմբակցության ղեկավար Վահրամ Բաղդասարյանին մեծ դժվարությամբ, նույնիսկ կեղծիքների գնով, հաջողվեց ՀՀ նախագահի աշխատակազմի իրավաբանական վարչության պետ Արայիկ Թունյանին ընտրել ՀՀ Սահմանադրական դատարանի անդամ: Քանի որ 10 ՀՀԿ-ական բոյկոտեց Սերժ Սարգսյանի ներկայացրած թեկնածուին, ՀՀԿ-ին երեկ հաջողվեց քվորում ապահովել ՕԵԿ-ից Ի. Խաչատրյանի, Լ. Դոխոլյանի, ՀԱԿ-ից՝ Հ. Բագրատյանի և ԱԴԿ-ից՝ Ա. Արզումանյանի մասնակցության շնորհիվ: Արդյունքում 65 կողմ, 3 դեմ ձայներով Թունյանը դարձավ ՍԴ անդամ:
Ու եթե չլինեին այդ 3 դեմ մասնակիցները, Թունյանը չէր ընտրվի՝ անգամ ստանալով 65 կողմ ձայն: ԱԺ կանոնակարգ օրենքի համաձայն՝ քվորում ապահովելու համար անհրաժեշտ է 66 պատգամավորի մասնակցություն: Ի դեպ, թեև ՀՀԿ-ից հայտնեցին, թե ԱԺ անկախ պատգամավորներն էլ են մասնակցել քվեարկությանը, այնուամենայնիվ լրագրողները ֆիքսեցին, որ անկախներից միայն Է. Մարուքյանն ու Ա. Գրիգորյանը երևացին: Հավանաբար մյուս անկախների փոխարեն ՀՀԿ-ն քվեարկեց:
Մանրամասները՝ թերթի այսօրվա համարում
