Իր աշխատանքի ժամանակաշրջանում ԱՄՆ նախագահ Բարաք Օբամայի վարչակազմը ավելի շատ ինֆորմատորների ու լրագրողների է հետապնդել, քան նախորդներից ցանկացածը՝ հայտարարել են ամերիկացի լրագրողները:
2008 թվականին Օբաման խոստացել է աննախադեպ բաց կառավարություն և թափանցիկության նոր դարաշրջան՝ գրում է Bloomberg View-ի սյունակագիր Ալբերտ Հանթը The New York Times-ում:
Հանթը որպես օրինակ է բերել լրագրող Ջեյմս Ռայզենի և ԿՀՎ նախկին գործակալ Ջեյմս Ստերլինգի գործերը: Դաշնային դատախազությունը պնդում է, որ Ռայզոնը որպես ականատես հանդես գա Ստերլինգի դեմ գործով, որը, ինչպես ենթադրվում է, Ռայզենին ապահովել է տեղեկատվությամբ «պատերազմական վիճակ. ԿՀՎ գաղտնի պատմությունն ու Բուշի վարչակազմը» գրքի համար: Սակայն Ռայզենը հրաժարվել է բացահայտել իր աղբյուրը:
Հանթը եզրակացնում է, որ առավել մեծ թվով լրագրողներ տուժել են վարչակազմի հետապնդումներից հեռախոսային խոսակցությունների, բանկային քարտերով գործարքների մասին տվյալներ հավաքելու և լրագրողների ֆիզիկական տեղաշարժին հետևելու պատճառով:
Խոսքի ազատության ճնշման մեկ այլ օրինակ էլ բերում է ամերիկացի գրող և գրաքննադատ Ջեյ Պարինին The Daily Beast-ի հրապարակման մեջ:
Նա Էդվարդ Սնոուդենի գործը համեմատել է իրավիճակի հետ, որն առաջացել էր նախագահ Ջորջ Ադամսի կողմից օտարերկրացիների և 1798-ի ապստամբության հրահրման մասին 4 օրենքների ընդունումից հետո: Օրենքները ֆեդերալիստների կողմից կիրառվում էին որպես ընդդիմության ճնշման միջոց:
