Ուռուցքի պատճառով կրծքի հեռացումից հետո այդ հատվածը վերականգնելը շատ դժվար է: Բժշկական պրակտիկայում տարածված է դաջվածքի ստեղծման մեթոդը, որը մարմնի վրա կրծքի տպավորություն է թողնում, պատմում է Live Science-ը:
Այս պրոցեդուրան սովորաբար անցկացվում է կուրծքը հեռացնելուց երեք ամիս անց, սակայն, ինչպես ցույց է տվել ուսումնասիրությունը, բժիշկների աշխատանքը զգալիորեն զիջում է դաջվածքի վարպետների աշխատանքին: Այդ պատճառով էլ մասնագետները բժիշկներին խորհուրդ են տալիս դաջվածքների որակը բարձրացնելու նպատակով դիմել վարպետներին:
Նշենք, որ բժիշկները մեքենայով են աշխատում, որոնք ավելի արագ են գործն անում, քան դաջվածքի վարպետները, և ապաքինման ժամանակահատվածը երկարում է, սպիներ են առաջանում, իսկ դաջվածքը ժամանակի ընթացքում կորցնում է գույնը: Բացի դրանից՝ բժիշկները նաև գույների աղքատիկ հավաքածու ունեն, որոնք կայուն չեն:
