Newsgeorgia-ի հաղորդմամբ, Վրաստանի Պետական Էլեկտրոհամակարգը Energo-Pro Georgia հետ համատեղ սկսում են նոր` 110 կիլոմետր երկարություն ունեցող էլեկտրահաղորդակցության գծեր կառուցել` «Բաքու-Թբիլիսի-Կարս» ծրագրի շրջանակներում:
Կառուցումը ներկայումս գտնվում է նախապատրաստական փուլում, իսկ կառուցման ավարտը պլանավորված է այս տարվա ընթացքում:
«Բաքու-Թբիլիսի-Ախալքալաք-Կարս» ծրագրի շրջանակներում պլանավորվում է նաև նոր 105 կմ երկաթգիծ կառուցել, որից 76 կմ Թուրքիայի տարածքում, 29կմ` Վրաստանի տարածքում: Բացի դրանից` Վրաստանում Ախալքալաք-Մարաբդա-Թբիլիսի երկաթգծից 183 կմ կվերանորոգվի, որպեսզի մեծանա այդ տեղամասի բեռնատարողությունը` տարեկան մինչև 15 միլիոն տոննա:
Ծրագիրը գնահատվում է 422 միլիոն դոլար:
Ադրբեջանը Վրաստանին 200 միլիոն դոլարի արտոնյալ վարկ է տրամադրում 25 տարի ժամկետով, որի տարեկան տոկոսը կազմում է 1%: Վարկը մարվելու է երկաթգծի շահագործման արդյունքում ստացվող եկամուտներից: