Ադրբեջանի պաշտպանության նախարար, գեներալ-գնդապետ Զաքիր Հասանովը մասնակցել է Աֆղանստանում անվտանգության աջակցման միջազգային ուժերում (ISAF) ներդրում ունեցած պաշտպանության նախարարների մակարդակով Բրյուսելում անցկացված հանդիպմանը: Այս մասին հայտնում է APA-ն:
Ինչպես APA-ին հայտնել են Ադրբեջանի պաշտպանության նախարարությունում, հանդիպման ժամանակ քննարկվել են ISAF-ի ընթացիկ օպերացիայի վիճակը, անցումային գործընթացն ու ձեռքբերումները՝ ուղղված գործառույթների փոխանցմանը Աֆղանստանում անվտանգության աջակցման միջազգային ուժերին, Աֆղանստանում ՆԱՏՕ-ի նոր առաքելությունը, որը կիրականացվի 2014 թվականից հետո, ինչպես նաև այն սկսելու համար իրավական դաշտի ընթացիկ վիճակը:
Այցի շրջանակներում ՆԱՏՕ-ի շտաբ-բնակարանում Հասանովը երկկողմ հանդիպում է ունեցել ԱՄՆ պաշտպանության նախարար Չակ Հեյգելի և եռակողմ հանդիպում՝ իր թուրք և վրացի գործընկերների հետ:
