Ամերիկյան Google ինտերնետ-կորպորացիան 4 օրում եվրոպացի օգտատերերից ստացել է ավելի քան 41 հազար հայտ: Օգտատերերը խնդրում են որոնման արդյունքներից հեռացնել անցանկալի անձնական տվյալները: Այս մասին տեղեկացնում է The Financial Times թերթը՝ հղում անելով տեղյակ աղբյուրներին:
Google-ը միջինը մեկ րոպեում ստացել է 7 հայտ: Ծառայության աշխատանքի արդյունքներով՝ թողարկումից հետո առաջին օրն ընկերությունը ստացել է 12 հազար հայտ՝ հաղորդել են աղբյուրները: Առավել շատ հայտեր Google-ը ստացել է Մեծ Բրիտանիայից և Գերմանիայից:
Ինտերնետ-օգտատերերից մեկն ընկերությանը խնդրել է որոնման արդյունքներից ջնջել սեփական ընտանիքին սպանելու իր փորձի մասին պատմող հղումները՝ հայտնել է պարբերականի զրուցակիցներից մեկը:
Հիշեցնենք՝ Google-ը նոր ծառայությունը թողարկել է Եվրոպական դատարանի որոշմամբ, ուստի նոր հնարավորությունից կարող են օգտվել միայն ԵՄ անդամ երկրների բնակիչները:
