Հունիսի 12-ին գազի հանձնաժողովը հաղորդում կներկայացնի Ազգային ժողովին: Այդ մասին «Առաջին լրատվական»-ի հետ զրույցում տեղեկացրեց ՀԱԿ խմբակցության քարտուղար, այդ հանձնաժողովի անդամ Արամ Մանուկյանը:
«Մենք առաջարկեցինք, որ չորս ենթախմբերից յուրաքանչյուրը ներկայացնի իր նախնական կարծիքը, դա դառնա ընդհանուր քննարկման թեմա, որից հետո հանձնաժողովը հաղորդում ներկայացնի խորհրդարանում: Գնահատականները, իմ կարծիքով, կլինեն նախնական, ոչ լրիվ փաստարկված, բայց դա պետք է հիմք լինի՝ հանձնաժողովի աշխատանքները շարունակելու համար»,- ասաց Ա. Մանուկյանը:
