Դոնեցկի ժողովրդական հանրապետության առաջնորդները հայտարարել են այսօրվանից Դոնեցկում պարետայի ժամ մտցնելու մասին, հաղորդումէ RIA Novosti-ն:
«Քաղաքում տիրող իրավիճակի և նախկինում հայտարարված ռազմական դրության կապակցությամբ պարետային ժամ կգործի տեղական ժամանակով ժամը 22:00-ից մինչև առավոտյան ժամը 6:00-ն»,- տեղեկացրել է ԴԺՀ-ի մամլո ծառայության աշխատակիցը:
Նրա խոսքերով՝ տեղական ժամանակով ժամը 20:00-ին արդեն դադարեցվել է հասարակական տրանսպորտի երթևեկությունը: Օրերս ԴԺՀ-ի առաջնորդները խոստանում են «հասարակական տրանսպորտի հերթապահ մեքենաներ» ներմուծել:
Այս մասին հայտարարությունը արվել է այն ռադիոհաճախականության վրա, որոնք հեռարձակում է հանրապետության ռադիոն:
«Առանց ծայրահեղ անհրաժեշտության փողոց դուրս գալը վտանգավոր է ձեզ համար: Հարկավոր է միշտ ունենալ անձը հաստատող փաստաթղթեր»,- տեղեկացվում է ռադիոյով:
Ռադիոյով անընդհատ կրկնում են նաև «Բոսե փողոցում, ադմինիստրատիվ և գերատեսչական շենքերին հարող փողոցներում անձնական մեքենաները չթողնելո մասին խնդրանքը»:
