ԱՄՆ Օհայո նահանգում ճանապարհային երթևեկության օրենքները խախտած 46-ամյա բնակչուհի Վալերի Ռոջերսի հանդեպ դատարանը աննախադեպ վճիռ է կայացրել: Ինչպես հաղորդում է տեղի Cleveland.com կայքը, կնոջը պարտավորեցրել են Գոհաբանության օրը ճաշ պատրաստել և հյուրասիրել ոստիկաններին:
Դեպքը տեղի է ունեցել 2012թ. հուլիսին: Հաղորդվում է, որ կինը խախտել էր երթևեկության կանոները մարաթոնի անցկացման ժամանակ, որի երթուղին անցնում էր ավտոմեքենաների մայրուղով: Երթևեկությունը ղեկավարող ոստիկանը հրամայել է Ռոջերսին կանգնել: Կինը խուճապի է մատնվել և չի ենթարկվել հրամանին: Ընդ որում, նա անհաջող հնարք է գործել և վրաերթի ենթարկել ոստիկանին:
Դատավարության ժամանակ կինն իր մեղքն ամբողջությամբ ընդունել է: Դատարանը նրան դատապարտել է մեկ տարվա պայմանական ազատազրկման: Բացի այդ նրան հրահանգված է Գոհաբանության օրը (նոյեմբերի 22-ին), արձակուրդի մեջ գտնվող ոստիկանների համար տոնական ճաշ պատրաստել:
Այս տոնի ավանդական ճաշատեսակը հնդկահավն ու դդումի կարկանդակն է:
