Ռոջեր Ուոթերսը Billboard Touring Award մրցանակի է արժանացել «Թոփ շրջագայություն» անվանակարգում: Մրցանակը շնորհվում է արտիստին, որի շրջագայությունը եղել է ամենաշահութաբերը նախորդ տարվա ընթացքում: 2011-ի հոկտեմբերից 2012-ի հոկտեմբեր այդպիսին է եղել Ուոթերսի համերգային The Wall Live շրջագայությունը, որի շրջանակում առաջին միջոցառումը կայացել է Տորոնտոյում, դեռևս 2010 թվականի սեպտեմբերին: Եզրափակիչ համերգը տեղի է ունեցել 2012-ի հուլիսին, Քվեբեկում: Այս մասին հայտնում է Billboard-ը:
Բրյուս Սպրինգսթինը Billboard մրցանակի է արժանացել Top Draw անվանակարգում: Դա նշանակում է, որ նրա շրջագայությունը ռեկորդակիր է եղել վաճառված տոմսերի թվով:
Լեդի Գագան արժանացել է Eventful Fans’ Choice Award-ի՝ մրցանակի, որը շնորհվում է Eventful.com կայքում երկրպագուների քվեարկության արդյունքներով:
Լավագույն փառատոն է ճանաչվել Coachella Valley Music and Arts Festival-ը՝ միջոցառում, որն անցկացվում է Կալիֆոռնիայում` ապրիլին:
