Մադրիդի «Ռեալ»-ի և Գերմանիայի հավաքականի 27-ամյա կիսապաշտպան Սամի Խեդիրան Լոնդոնի «Արսենալ»-ի ուշադրության կենտրոնում է: Այդ մասին հայտնում է Fichajes-ը: «Արքայական ակումբ»-ը, հավանաբար, պատրաստ կլինի ուսումնասիրել ֆուտբոլիստի տրանսֆերի շուրջ ստացվող առաջարկները:
Խեդիրայի ծառայություններով հետաքրքրված է նաև «Չելսի»-ն, քանի որ թիմի գլխավոր մարզիչ Ժոզե Մոուրինյոն ցանկանում է իր թիմում տեսնել կիսապաշտպանին:
Դեռևս բանակցություններ չեն սկսվել, բայց թե´ «Արսենալ»-ը և թե´ «Չելսի»-ն պատրաստ են պաշտոնապես դիմել «Ռեալ»-ին` տրանսֆերային առաջարկով: 2013/14 թվականների մրցաշրջանում Խեդիրան 13 հանդիպում է անցկացրել Իսպանիայի առաջնության շրջանակներում, 1 գոլ խփել և գոլային 1 փոխանցում կատարել:
