France Press գործակալությունը հաղորդել է որոշ մանրամասներ` Բահրեյում ընդդիմության դեմ այսօր առավոտյան սկսված արշավի ժամանակ կիրառվել է հրազեն և ծանր տեխնիկա, որի հետևանքով որոշ տվյալներով գնդակահարվել է ավելի քան 200 մարդ:
Մարտի 15-ի երեկոյան անվտանգության ուժերը մտել են շիական Սիթրա գյուղ, որը գտնվում է մայրաքաղաք Մանամայից հարավ: Նրանք կիրառել են հրազեն: Գործակալության տվյալներով գնդակահարվել է ավելի քան 200 մարդ: Հայտնի չէ, թե որքան մարդ է նրանցից զոհվել, որքանը վիրավորվել: Այս մասին գործակալությանը Բահրեյնից հաղորդել է մի բժիշկ:
«Առաջին լրատվականը» այսօր տեղեկացրել էր, որ այսօր վաղ առավոտյան զինված ուժերը սկսել են մաքրել Մանամայի կենտրոնում ընդդիմության վրանային ճամբարը` ամբողջությամբ այրելով այն: BBC-ն հաղորդում է 5 սպանվածի մասին:
Լարվածություն է նկատվում Իրանի և Բահրեյնի միջև: Իրանի բնակչության մեծամասնությունը դավանում է շիա իսլամ, և այս առումով Բահրեյնի շիական մեծամասնության հետ այդ երկրում միշտ սերտ կապեր են պահպանվում: Թեհրանից հետ է կանչվել Բահրեյնի դեսպանը: