Համաձայն փաստաթղթի, որը հրապարակված է WikiLeaks կայքում, ԱՄՆ Ազգային անվտանգության գործակալության աշխատակիցները գաղտնալսել ու ձայնագրել են Աֆղանստանում գրեթե բոլոր միջազգային ու ներքին հեռախոսազրույցները, ասվում է փաստաթղթում, որը հրապարակվել է WikiLeaks կայքում, հայտնում է RIA Novosti-ն:
Ավելի վաղ WikiLeaks-ի ներկայացուցիչները դժգոհություն էին հայտնել, որ ամերիկյան The Intercept ու Washington Post պարբերականները տեղեկություն են հրապարակել Ազգային անվտանգության գործակալության՝ երկու երկրների բնակիչների տեղական ու միջազգային զանգերի տվյալների հավաքման փաստի առնչության վերաբերյալ, որոնցից մեկը Բահամյան կղզիներն է: Երկրորդ երկրի անվանումը չէր հրապարակվել:
WikiLeaks-ից հայտնել էին, որ երկրորդ պետության անվանումը կհրապարակեն ուրբաթ: Հրապարակման մեջ ասվում է, որ երկրորդ պետությունը Աֆղանստանն է:
The Intercept-ը հայտնում էր, որ Ազգային անվտանգության գործակալությունը գաղտնալսել է մոտ 250 մլն բնակիչ ունեցող երկրի հեռախոսազանգերը:
