Կատալոնական «Բարսելոնա»-ի լավագույն ռմբարկու Լիոնել Մեսսին կարող է գերազանցել 103 տարվա վաղեմության ռեկորդը: «Սելթիկ»-ի դարպասը խփած գոլը օրացույցային տարվա ընթացքում «Բարսելոնա»-ի և Արգենտինայի հավաքականի կազմում անցկացրած խաղերում 23-րդն էր:
Մեսսին 2 գոլով է զիջում «Չելսի»-ի և «Տոտենհեմ»-ի լեգենդար հարձակվող Ջոն Վուդվորդին: 1909թ. նա 25 գոլ էր խփել Անգլիայի ազգային և սիրողական հավաքականների կազմերում:
«Սելթիկ»-ի դարպասը գրավելուց հետո Մեսսին շրջանցեց իրանցի Ալայ Դաեիին, բրազիլացի Ռոնալդոյին, օմանցի Համի Ալ-Նոուբիին, որոնք միջազգային մրցասպարեզում 22 գոլ էին խփել 1 տարվա ընթացքում:
Վուդվորդի «հավերժ» ռեկորդը գերազանցելու համար Մեսսին 4 խաղ ունի: «Բարսելոնա»-ի կազմում Մեսսին պայքարելու է «Սպարտակ»-ի և «Բենֆիկա»-ի դեմ՝ ՉԼ գավաթի ընացիկ խաղարկությունում, իսկ Արգենտինայի հավաքականի կազմում մրցելու է Սաուդյան Արաբիայի և Բրազիլիայի ընտրանիների դեմ:
