Գերագույն խորհրդի նախկին պատգամավոր Ազատ Արշակյանն այսօր ասուլիսին անդրադարձավ Վերնիասաժում տեղի ունեցած միջադեպին:
Ըստ նրա՝ հնչած կրակոցները հետևանք են հղփացության: Բոլոր ժամանակներում հղփացած մարդիկ լինում են: Սա քրեական հանցագործություն է, հարկավոր է դրան ընթացք տալ, պետք է պատժել, որ հասարակությունը պաշտպանված լինի:
Ցանկացած հանցագործություն, նրա խոսքով, պետք է պատժվի ճիշտ այն չափով, որ չափով վնաս է բերել հասարակությանը:
«Ազգային անվտանգություն» կուսակցության նախագահ Գառնիկ Իսագուլյանն էլ նշեց, որ օրենքի տառի կիրառումը բոլորի նկատմամբ շատ կարևոր է: Ցանկացած նման երևույթ իր հետևից ծնում է նման դեպքեր:
Ցավոք, այս երևույթը կա, դրա դեմ պայքարն առայժմ չի երևում, կան մարդիկ, ովքեր վստահ են, որ նման հանցանքի համար չեն պատժվի, իսկ մարդիկ էլ կան, որ չնչին հանցանքի դեպքում դատապարտվում են: Այսպիսի կարծիք հայտնեց Գառնիկ Իսագուլյանը: