Թերակղզուց ղրիմյան թաթարների տեղահանման տարելիցին նվիրված ցույցից հետո Սիմֆերոպոլի ծայրամասում մասնակիցները ընդունել են բանաձև Ղրիմի կարգավիճակը փոխելու պահանջով։ Այս մասին տեղեկացնում է gazeta.ru-ն։
Ճշտվում է, որ թերակղզին պետք է դառնա ազգային-տարածքային ինքնավարություն, որտեղ երաշխավորվում է ղրիմյան թաթար ժողովրդի իրավունքների վերականգնումը։ Այս մասին հաղորդվում է մեջլիսի կայքում։
«Մենք՝ ղրիմաթաթարական ժողովրդի ցեղասպանության՝ 1944 թվականի մայիսի 18-ի և նրան բռնի կերպով վտարանդիության վայրերում պահելու տասնամյակների զոհերի հիշատակի Համաղրիմյան սգո ցույցի մասնակիցներս, հայտարարում ենք ղրիմաթաթարական ժողովրդի՝ իր պատմական հայրենիքում՝ Ղրիմում, ինքնորոշման անքակտելի իրավունքի մասին՝ Ղրիմի Հանրապետությանը ազգային-տարածքային ինքնավարության կարգավիճակ շնորհելու ճանապարհով»,- ասվում է հաղորդագրությունում։
Նշվում է, որ գլխավոր պահանջն է ղրիմաթաթարական ժողովրդի համազգային համագումարի՝ կուրուլթայի և նրա ձևավորած ազգային ինքնակառավարման մարմնի՝ մեջլիսի ճանաչումը։
