Սպիտակ տան մշակած նոր ամերիկյան տրանսպորտային ենթակառույցների զարգացման ծրագրին դեմ են դուրս գալիս ԱՄՆ Կոնգրեսի հանրապետական ընդդիմադիրները: Այս մասին գրում է ITAR-TASS-ը:
«Եթե Կոնգրեսը գործողություններ չձեռնարկի, ապա հաջորդ տարի սպառնալիքի տակ կհայտնվեն մոտ 700 հազար աշխատատեղեր»,- հայտարարել է ԱՄՆ նախագահ Բարաք Օբաման:
Նա նշել է, որ դեմոկրատների և հանրապետականների միջև տարաձայնություններն արդեն հանգեցրել են մի քանի ենթակառույցների սառեցման, որոնք կարող էին իրականացվել միայն դաշնային համաֆինանսավորման պայմանով: Սակայն հանրապետականները նախկինի պես դեմ են դուրս գալիս նոր ծրագրին, որը մեծ նշանակություն ունի սոցիալ-տնտեսական տեսանկյունից:
«Նրանք առաջարկում են միանգամից 80 տոկոսով նվազեցնել երկրի 50 նահանգներում առաջնային տրանսպորտին հատկացվող միջոցները»,- ասել է Օբաման:
