Հունական Elstat վիճակագրական ծառայության հետազոտության համաձայն՝ բնակչության 21,4%-ը հայտնվել է աղքատության եզրին: Աղքատության սպառնալիքի տակ հայտնված մարդկանց թիվը հասնում է 2 մլն 300 հազարի: Այս մասին գրում է RIA Novosti-ն:
Հետազոտությունում աղքատ է համարվում տարեկան մեկ անձի հաշվով առնվազն 6,6 հազար եվրոյից պակաս եկամուտ ունեցողը, իսկ երկու երեխա ունեցող 4 հոգանոց ընտանիքի համար` 13,8 հազար եվրոն: Աղքատությունն առավելապես սպառնում է մինչև 17 տարեկան երեխաներին և 65-ից բարձր մարդկանց: Յուրաքանչյուր 4-րդ երեխա կամ թոշակառու գտնվում է աղքատության եզրին:
Նշենք, որ հետազոտությունը վերաբերում է 2011 թվականին և վերլուծում է հիմնականում 2010 թվականի տվյալները՝ հաշվի չառնելով երկու տարվա ընթացքում տնտեսության կտրուկ անկումն ու աղքատության աճը:
