Օրերս EBay աճուրդում աճուրդի է հանվել օրիգինալ լոտ՝ Rolls-Royce լիմուզինը, որն օգտագործվել է արքայազն Չարլզին ու արքայադուստր Դիանային ԱՄՆ նրանց առաջին ուղևորության ժամանակ տեղափոխելիս:
Ակնկալվում է, որ ավտոմեքենան կվաճառվի ավելի քան 1,2 մլն ֆունտ-սթեռլինգով:
Rolls-Royce Silver Shadow-ը բրիտանական դեսպանատունը գնել է դեռ 1979թ., սակայն այն չի օգտագործվել մինչև 1982թ.: Այդ 3 տարիներին ինժեներները չարչարվում էին այդ ոչ միայն շքեղ, այլև զրահապատ ավտոմեքենայի ստեղծման վրա: Արդյունքում՝ մեքենայի վրա ծախսվեց շուրջ 200 հազար դոլար:
1985թ. արքայադուստր Դիանան ու արքայազն Չարլզը դրանով ուղևորվել էին Վաշինգտոն, որտեղ հանդիպել էին ԱՄՆ նախագահ Ռոնալդ Ռեյգանի ու նրա կնոջ՝ Նենսիի հետ:
Ավտոմեքենայի վաճառքից գոյացած հասույթը կուղղվի բարեգործական կազմակերպությանը, որը հիմնադրել է Դիանան:
