Երեկ՝ նոյեմբերի 2-ին, վրաերթ է տեղի ունեցել Արարատի մարզում: Ժամը 14:30-ի սահմաններում, Արտաշատի բժշկական կենտրոնից Ոստիկանության Արտաշատի բաժին հայտնել են, որ մարմնական վնասվածքներով իրենց մոտ է տեղափոխվել Արարատի մարզի Վերին Արտաշատ գյուղի բնակիչ, 23-ամյա Հայարփի Գևորգյանը:
Ինչպես հայտնում է shamshyan.com-ը, հիվանդանոց մեկնած Ոստիկանության Արտաշատի բաժնի օպերատիվ քննչական խումբը պարզել է, որ նույն օրը, ժամը 14:15-ի սահմաններում, Արտաշատ քաղաքի Շահումյան 26/4 հասցեի բնակիչ, 38-ամյա Արտակ Մանուկյանը, վարելով «Մերսեդես» մակնիշի 95 TP 999 համարանիշի ավտոմեքենան, Արարատի մարզպետարանի դիմաց վրաերթի է ենթարկել Հ. Գևորգյանին: Վարորդը փախուստի չի դիմել և իր մեքենայով վրաերթի ենթարկվածին տեղափոխել է հիվանդանոց:
shamshyan.com-ը հայտնում է, որ վարորդ Ա. Մանուկյանը «Տելելեքս» ՍՊԸ-ի տնօրենն է:
Փաստի առթիվ Ոստիկանության քննչական գլխավոր վարչության Արարատի մարզի քննչական բաժնի Արտաշատի քննչական բաժանմունքում նյութեր են նախապատրաստվում:
