Մախաչկալայի «Անժի»-ի կամերունցի հարձակվող Սամուել Էտո’Օն հայցով դատարան է դիմելու` ընդդեմ ֆրանսիական BeInSport հեռուստաընկերության, որը ցուցադրել է Կամերունի հավաքականի մարզումը` Աֆրիկայն ազգերի գավաթի խաղարկության շրջանակներում կայանալիք կարևորագույն հանդիպումից առաջ:
Ցուցադրման ժամանակ հեռուստահաղորդավարը վստահեցրել է, որ «Անժի»-ի հարձակվողն ավելի անհանգստացած է բջջային կապի սեփական օպերատորի գործերով, քան առաջիկա հանդիպումով: Բացի այդ՝ հեռուստաընկերության աշխատակիցը պնդել է, որ Էտո’Օն վնասվածքի սիմուլյացիայի է դիմել, որպեսզի կարողանա բաց թողնել մարզումն ու զբաղվել սեփական բիզնեսի գործերով:
«Նման հայտարարությունները կեղծ են: Հեռուստաընկերությունը պարզապես փորձում էր վնաս հասցնել իմ իմիջին»,- նշել է ֆուտբոլիստն իր պաշտոնական կայքում:
