Մադրիդի «Ռեալ»-ի կիսապաշտպան Ռիկարդո Կական մեկնաբանել է այն տեղեկությունները, թե իբր պատրաստվում է գալիք ձմեռային տրանսֆերային պատուհանի ժամանակ փոխել ակումբը:
«Ես չեմ մտածում «Ռեալ»-ից հեռանալու մասին: Նույնիսկ երբ հնարավորություններ կային այլ ակումբ տեղափոխվելու, ես չդիտարկեցի դրանք: Ցանկանում եմ խաղալ հենց Մադրիդում:
Ես դեռ 3 տարվա պայմանագիր ունեմ ակումբի հետ ու ցանկանում եմ այդ ընթացքում օգուտ տալ թիմին: Ցանկանում եմ ամրապնդվել մեկնարկային կազմում ու տիտղոսներ նվաճել «Ռեալ»-ի հետ»,– Կակայի խոսքերն է մեջբերում AS-ը:
Հիշեցնենք, որ երեկ «Ռեալ»-ը կարողացավ 1-4 հաշվով ջախջախել «Ալկոյանո» թիմին, իսկ Կական խփեց թիմի երկրորդ գոլը:
