«Չելսի»-ի գլխավոր մարզիչ Ռոբերտո Դի Մատեոն պատմել է Անգլիայի Գավաթի խաղարկության շրջանակներում «Մանչեսթեր Յունայթեդ»-ի դեմ կայանալիք հանդիպմանը հայտավորվող կազմի կադրային խնդիրների մասին:
«Կազմի հետ կապված իրավիճակն այնքան էլ պարզ չէ, քանի որ որակազրկման պատճառով չեն խաղա Իվանովիչը, Տորեսը և Թերին, իսկ Լեմպարդը և Քոուլը հանդիպումը բաց կթողնեն վնասվածքի պատճառով:
Այսպիսով` մենք կփորձենք թարմացնել թիմի կազմը և խաղաժամանակ կտրամադրենք երիտասարդ ֆուտբոլիստներին: Ինչ վերաբերում է «Մանչեսթեր Յունայթեդ»-ին, ապա կարծում եմ, որ նրանք ուժեղ կազմ դուրս կբերեն: «Յունայթեդ»-ի հետ դիմակայությունները միշտ էլ կարևոր են»,- Դի Մատեոյին մեջբերում է «Չելսի»-ի պաշտոնական կայքը:
