«Մանչեսթեր Յունայթեդ»-ի գլխավոր մարզչի պաշտոնակատար Ռայան Գիգզը հայտնել է, որ այժմ կենտրոնանում է Անգլիայի առաջնության ընթացիկ մրցաշրջանի վերջնամասի մյուս խաղերի վրա:
«Նախորդ գիշեր ես չեմ քնել: Ինձ համար բարդ էր մի քանի որոշումներ կայացնել: Չէ՞ որ ես ոչ թե մարզիչ եմ, այլ տղաների խաղընկերը: Ես նրանցից մեկն եմ: Ինչպե՞ս պետք է ասեի Մատային, որ նա պահեստայինների նստարանին է լինելու: Այնուամենայնիվ, խոսեցի նրանցից յուրաքանչյուրի հետ: Իհարկե, նրանք հուզվեցին, բայց իրենց իսկական պրոֆեսիոնալներին վայել պահեցին:
Այն, ինչ տեսա, հաճելի էր: Գոհ եմ խաղից: Բոլորը հիանալի վերաբերմունք ցուցաբերեցին: «Մանչեսթեր Յունայթեդ»-ն ապացուցեց, որ գերազանց թիմ է: Այժմ պետք է նույնն անել յուրաքանչյուր հաջորդ խաղում:
Դեռ չեմ մտածում, թե ինչ կլինի առաջիկա մրցաշրջանում: Բոլոր մտքերս մրցաշրջանի վերջնամասի հետ են կապված: Ակումբի ղեկավարներն ասել են, որ 4 խաղ եմ անցկացնելու: Պատրաստվում եմ կատարել աշխատանքս լավագույն կերպով, իսկ հետո չգիտեմ, թե ինչ կլինի»,- Sky Sports-ը մեջբերում է Գիգզի խոսքերը:
