«Չելսի»-ի բրազիլացի կիսապաշտպան Օսկարը հայտարարել է, որ նպատակ ունի ընթացիկ մրցաշրջանում ակումբի կազմում 20 գոլ հեղինակել:
Ներկայումս 21-ամյա բրազիլացին արդեն 3 գոլ է խփել, որոնք հեղինակվել են Չեմպիոնների Լիգայի խմբային փուլի շրջանակներում կայացած հանդիպումներում: Օսկարը հուսով է, որ «Չելսի»-ում նույնպես կարող է արդյունավետ հանդես գալ:
«Որպես կիսապաշտպան, ես միշտ գոլեր եմ հեղինակել: 20 գոլ 1 մրցաշրջանում. ինձ համար դա նորմա է: Հասկանում եմ, որ Անգլիայում փոքր-ինչ բարդ կլինի այդ արդյունքը գրանցել, քանի որ ստիպված ես տարբեր դիրքերում գործել: Վստահ եմ, սակայն, որ բազմաթիվ գոլեր կհեղինակեմ «Չելսի»-ի կազմում և արդյունավետության լավ արդյունք կգրանցեմ»,- հայտնել է Օսկարը «Չելսի»-ի պաշտոնական կայքին:
