Հոկտեմբերի 22-ին «Սիրիական ավիաուղիների» Երևան-Հալեպ թռիչքով Սիրիա է տեղափոխվել երկու տոննայի չափ մարդասիրական օգնություն, նաև առաջին անհրաժեշտության դեղորայք։
«Օգնիր եղբորդ» նախաձեռնության կողմից ծրագրեր կիրականացվեն նաև Հայաստանում և ԼՂՀ-ում հաստատված սիրիահայերին աջակցություն ցուցաբերելու ուղղությամբ:
Քաշաթաղի շրջանում արդեն բնակություն հաստատած 20 սիրիահայ ընտանիքների բնակարանաշինական կարիքները հոգալու համար «Օգնիր եղբորդ» նախաձեռնությունը 5մլն դրամ է փոխանցել «Քաշաթաղ» հիմնադրամին։
Մոտ օրերս պարենային աջակցություն կցուցաբերվի Հայաստանում հաստատված սիրիահայ կարիքավոր ընտանիքներին։
«Օգնիր եղբորդ» նախաձեռնող խումբն իր երախտագիտությունն է հայտնում բոլոր անհատներին, գործարարներին, քաղաքական եւ բարեսիրական կազմակերպություններին, որոնք շարունակում են իրենց շատ կարեւոր ներդրումը բերել սիրիահայ մեր հայրենակիցների աջակցությանը։
