Ըստ «Ժողովուրդ»-ի աղբյուրների` Աժ ՀՀԿ խմբակցության պատգամավոր Մարգարիտ Եսայանն իրեն պատկանող Աժ պատգամավորի համարանիշերը «նվիրել» է Աժ մեկ այլ պատգամավոր Արտակ Սարգսյանին (ՍԱՍ-ի Արտակ): Այս առիթով «Ժողովուրդ»-ը զրուցեց նախկին գործընկեր պատգամավորի հետ` պարզելու համար, թե ինչո՞ւ է իրեն հասանելիք ավտոմեքենայի համարանիշը տվել Արտակ Սարգսյանին:
«Որովհետև մենք վաղուցվա ծանոթներ ենք, լավ բարեկամներ ենք, ես ինքս մեքենա չունեմ, ինձ ծառայողական մեքենա է հատկացված, և այդ համարանիշը, ըստ էության, ինձ բոլորովին պետք չէր: Ուստի, զուտ բարեկամական նկատառումներից ելնելով իրեն պետք էր, տվել եմ»,- եզրափակեց Մարգարիտ Եսայանը: