Ուսումնասիրելով բրիտանական հյուրանոցների այցելուների սովորույթները` փորձագետները հայտարարել են, որ տղամարդկանց կեսը հյուրանոցային համարում տեղավորվելուց հետո անմիջապես գերադասում է դիտել մեծահասակների համար նախատեսված հեռուստաալիքներ, իսկ կանայք նետվում են լոգարան՝ ստուգելու լոգարանային պարագաների առկայությունը ու «թռցնում» մի քանիսը:
Raut-ի փոխանցմամբ` այս ինտրիգային եզրակացություններին է հանգել հյուրանոցային ոլորտը կարգավորող կայքը: Պարզվել է, որ տղամարդկանց միայն 19%-ն է հյուրանոցներում նախատեսում դիտել հատուկ ֆիլմեր, իսկ կանանց` 15%-ը:
Ըստ ուսումնասիրության` տղամարդիկ այնքան էլ հետաքրքրված չեն լոգարանային պարագաներով, և միայն 10%-ն է «թռցնում» շամպուններ: Սակայն տղամարդկանց ու կանանց շուրջ 50%-ը միանշանակ նայում ու փորձում են այն ամենը, ինչ կա իրենց հյուրանոցային համարում:
Այնուհետև նրանք անհապաղ ձեռնամուխ են լինում օգտվել հյուրանոցի համարից դուրս մատուցվող բոլոր ծառայություններից: Մասնավորապես` տղամարդկանց` 13 և կանանց 16%-ը մշտապես օգտվում են մարզասրահներից ու լողավազաններից:
Պարզվել է նաև, որ հյուրանոցի այցելուների սիրած զբաղմունքներից մեկը անկողնու վրա թռչկոտելն է:
