ՌԴ Ֆինանսների նախարարությունը օրենսդրական փոփոխություններ է նախապատրաստել, որը թույլ է տալիս թանկարժեք քարերով ոսկերչական զարդերն ուղարկել սովորական փոստային ծառայությամբ, այլ ոչ թե զինված պաշտպանությամբ հատուկ տրանսպորտային միջոցով, ինչը ներկայում ամրագրված է: Նորարարությունը թույլ կտա օրինականացնել ոսկերչական զարդերի ինտերնետ վաճառքը:
Շուկայի դերակատարների խոսքով՝ ներկա պահանջները ոսկերչական իրերի ինտերնետ վաճառքը դարձնում են անշահավետ:
Ներկայում հատուկ կապով ծանրոցի ուղարկումը (այժմ այդ ծառայությունն իրականացնում է Անվտանգության դաշնային ծառայությունը) արժե 1500 ռուբլի: Ըստ այդմ՝ ինտերնետ գնման միջին գումարը կազմում է 2-3 հազար ռուբլի:
Ֆինանսների նախարարության մշակած օրինագծի համաձայն՝ զինված պաշտպանության պահանջը կպահպանվի միայն այն ոսկերչական զարդերի տեղափոխման պարագայում, որոնք գտնվում են պետական սեփականության ներքո:
Ներկայում ոսկերչական զարդերի խանութները կարող են առանց օրենք խախտելու իրենց թույլ տալ ունենալ միայն ինտերնետ ցուցափեղկեր, որտեղից կարելի է զարդն ընտրել, սակայն անձամբ գնալ գնելու:
