Միացյալ Նահանգները և Իրանը նախնական համաձայնության են եկել Իրանի միջուկային ծրագրին վերաբերող երկկողմ բանակցությունների հարցի շուրջ:
Այս մասին հաղորդում է The New York Times թերթը` հղում կատարելով Բարաք Օբամայի կառավարության ներկայացուցիչներին:
Պաշտոնյաների խոսքերով` Թեհրանը սկզբունքորեն համաձայնել է բանակցել` պայմանով, որ դրանք կսկսվեն նոյեմբերի 6-ին կայանալիք ԱՄՆ նախագահական ընտրություններից հետո:
Պարբերականի տեղեկացմամբ` այս հաղորդագրությունը Օբամայի համար կարող է լրացուցիչ խաղաքարտ դառնալ, քանի որ նրա ընդդիմախոսը`Միթ Ռոմնին, քննադատում է ԱՄՆ նախագահին Իրանի հարցում անհրաժեշտ կոշտություն չցուցաբերելու համար:
Այս լուրը պաշտոնապես առայժմ չի հաստատվել:
