Այսօր` հոկտեմբերի 20-ին, Ծաղկաձորում գտնվող «Ռոսսիա» հյուրանոցային համալիրում մեկնարկվել է «Ոստիկանության գործունեության լուսաբանման առանձնահատկությունները» թեմայով սեմինարը:
ՀՀ ոստիկանության պետ, գեներալ լեյտենանտ Վլադիմիր Գասպարյանը չի կարող հանդուրժել, երբ խաչմերուկներ են հատում, երբ որոշ մարդիկ, իրենց համարելով արտոնյա, ավտոմեքենաներով խախտումներ կատարելով խաչմերուկներ են հատում, ուղղակի վարում են մարդկանց ուղղությամբ` կողքի ավտոմեքենաներին աջ ու ձախ են անում: Իսկ չենթարկվելու դեպքում՝ դեմն առնում են խուլիգանության միջոցով: shamshyan.com-ի փոխանցմամբ՝ այս մասին լրագրողների հետ զրույցում ասել է ՀՀ ոստիկանապետ Վլադիմիր Գասպարյանը:
«Տիգրան Արզաքանցյանը եթե կարծում է, որ հարուստ է, կարող է խաչմերուկները կտրելով անցնի, մարդկանց վրա քշի, ոչ միայն շոու, այլև այնպիսի կոնցերտ կկազմակերպեմ, որ էլ ասելու չի: Եթե ասում են, որ շոու է, շատ ճիշտ են անում: Երբ շոու ես անում, շոուին շոուով են պատասխանում: Եթե մտածում ես, թե փող, լավ ուս ունես ու գլուխդ մի տեսակ է, ի՞նչ է` նշանակում է, որ արտոնություննե՞ր ունես այս երկրում: Ես Տիգրան Արզաքանցյանին խորհուրդ եմ տալիս. թող լավ ապրի, և ոչ մի կիլլեր էլ իրեն ման չի գա»,- ասել է Վլադիմիր Գասպարյանը:
Իսկ եզդի Ջնդին, ոստիկանապետի խոսքով, լուրջ երևույթ է, և ստացվել է այնպես, որ վերջերս բոլորը մատաղից են վերադառնում:
«Կամ որ ասում են, թե թիկնազորի անդամները ոստիկանության աշխատող են այնքանով, որ բարեկամ-ծանոթներին ընդունել են ու զենքը տվել են ձեռքը, նստեցրել կողքը: Այդպես չի կարող լինել, մոտ հարյուրից ավել մարդ է հանվել և դեռ կհանվի: Դա արդեն կրիմինալ է: Բոլորը նախազգուշացված են»,- նշել է Վլադիմիր Գասպարյանը:
