Այսօր ԱՄՆ-ում կմեկնարկեն Կոնգրեսի միջանկյալ ընտրությունները, որոնց, սպասվում է, որ միլիոնավոր ամերիկացիներ կմասնակցեն: Ընտրապայքարում են Կոնգրեսի թեկնածուներ ու սենատորներ երկու հիմնական կուսակցություններից` Հանրապետական ու Դեմոկրատական: Փորձագետները կանխատեսում են, որ իշխող Դեմոկրատական կուսակցությունը տանուլ է տալու ընտրություններում, սակայն հարցն այն է, թե ինչ մասշտաբի պարտություն կկրի այդ կուսակցությունը: Ամերիկացիներն ընտրելու են Ներկայացուցիչների պալատի ողջ կազմը` 435 անդամ, եւ 100 սենատորներից 37-ին: Ներկայումս դեմոկրատների ու հանրապետականների միջեւ ուժերի հարաբերակցությունը հետևյալն է` 59/41, իսկ Ներկայացուցիչների պալատում` 255/178: