Գործազրկության խնդրի քննարկմամբ է սկսվել ԱՄՆ նախագահական ընտրությունների բանավեճի երկրորդ փուլը ներկայիս նախագահ Օբամայի և հանրապետական թեկնածու Ռոմնիի միջև:
Բանավեճի երկրորդ փուլը տեղի է ունեցել երեքշաբթի երեկոյան Նյու Յորք նահանգի Հեմփսթեդ քաղաքում: Այն նվիրված է եղել ինչպես ներքին, այնպես էլ արտաքին քաղաքական հարցերին,- փոխանցում է ИТАР-ТАСС-ը:
Բանավեճն անցկացվում է, այսպես կոչված, քաղաքային ժողովի ձևաչափով. հարցեր տալիս են ոչ թե վարող պրոֆեսիոնալները, այլ ընտրողները:
Կեսժամյա քննարկման ընթացքում Օբաման և Ռոմնին պատասխանում են 15 հարցի: Նրանցից յուրաքանչյուրը պատասխանի համար 2 րոպե ունի:
Ռոմնին խոստացել է, որ նախագահ դառնալու դեպքում 4 տարում 12 մլն աշխատատեղ կստեղծի: «Ես գիտեմ` ինչպես աշխատատեղեր ստեղծել ու վերականգնել երկրի տնտեսությունը»,- ասել նա:
Օբաման նշել է, որ ինքը ևս մտադիր է աշխատատեղեր ստեղծել:
