Բիզնես էկոնոմիկայի ազգային ասոցիացիայի փորձագետները հետազոտության արդյունքում պարզել են, որ ամերիկյան տնտեսության աճը գալիք տարում կարագանա երկրի անշարժ գույքի շուկայում իրավիճակի բարելավման ազդեցության տակ:
Չնայած աճի տեմպերն առայժմ այնքան բարձր չեն լինի՝ գործազրկությունը կրճատելու համար, սակայն ԱՄՆ-ի ՀՆԱ-ն մինչև տարեվերջ կաճի 1.9 տոկոսով, իսկ հաջորդ տարվա վերջին քառորդում՝ 3 տոկոսով:
Ընդհանուր առմամբ, ինչպես նշում է Vesti-ն, չնայած լավատեսական կանխատեսումներին, այդ գնահատականն ավելի ցածր է նախորդ՝ մայիսյան արդյունքներից, երբ փորձագետներն ակնկալում էին հաջորդ տարվա վերջին 3.1 տոկոս աճ: Այդ կանխատեսման իրականացման անհրաժեշտ պայմաններից մեկը, փորձագետների խոսքերով, ԱՄՆ Կոնգրեսի կողմից հարկերի կտրուկ բարձրացման և ծախսերի կրճատման՝ «բյուջեի ճեղքվածի» կանխումն էր:
Ամերիկյան ընկերությունների ներկայացուցիչները մտավախություն ունեն, որ «բյուջեի ճեղքվածքը» կարող է հանգեցնել ռեցեսիայի: Սակայն փորձագետների մեծ մասը համոզված է, որ դրանից կհաջողվի խուսափել, և հարկերի կրճատումը, որը մտցվել էր նախորդ նախագահ Ջորջ Բուշի կողմից, կշարունակվի բոլոր հարկատուների համար նաև 2013 թ.:
