Թինա Կանդելակին գնացել է հարազատ Վրաստան` քննարկելու, թե ինքն ինչ օգուտ կարող է բերել երկրին նոր վարչակարգի պայմաններում: Հաղորդավարուհին գաղտնի է պահում իր այցի նպատակը, սակայն ԶԼՄ-ները պարզել են, որ կա’մ նրան կառաջարկեն կապի նախարարի և փոխվարչապետի պաշտոն, կա’մ ղեկավար պաշտոն Վրաստանի պետական հեռուստաալիքում, հայտնում է newsru.com-ը:
Թբիլիսիում Կանդելակին կհանդիպի անձամբ Բիձինա Իվանիշվիլու հետ, վստահեցնում է РБК-ի տեղեկատվական աղբյուրը:
Չնայած հաղորդավարուհու մամլո ծառայությունում չեն մեկնաբանում այս հարցը` Կանդելակին իր միկրոբլոգում գրել է. «Ես չունեմ Վրաստանի քաղաքացիություն: Մի’ հավատացեք ոչ մի հիմար խոսակցության: Ես հաճույքով շատ բան կանեմ Վրաստանի համար»,- գրել է նա Twitter-ում:
Վարկած կա նաև, որ Թինա Կանդելակիին Վրաստանում նրա մասնագիտությամբ աշխատանք կառաջարկեն:
