Բրազիլական Ռիո դե Ժանեյրո քաղաքում սկսվել է աշխարհի ամենազանգվածային և ամենագեղեցիկ միջոցառումներից մեկը` բրազիլական կարնավալը:
Երեկ այդ քաղաքի ղեկավարը կարնավալի խորհրդանշական բանալիները հանձնել է «կարնավալի արքային», որի ընտրությունը պարտադիր արարողություն է կարնավալը սկսվելուց առաջ:
Կարնավալի ամենադիտարժան պահը քաղաքի սամբադրոմում տեղի ունեցող մրցելույթներն են, որին մասնակցում են սամբայի լավագույն դպրոցների ներկայացուցիչները: 2011թ.-ին այդ մրցույթին մասնակցում են 14 դպրոց:
Ռիոյում այս տարի հավաքվել է ավելի քան 700 հազար զբոսաշրջիկ:
