Աֆղանստանի թալիբները պնդում են, որ Արևելյան Պակտիկա մարզում այսօր պատանդ են վերցրել ավելի քան 20 ոստիկանների:
Թալիբական «Ջիհադի ձայնը» կայքում շարժման մամուլի քարտուղար Քարի Յուսուֆ Ահմադին հայտնել է, որ զինյալները գիշերային երկու գրոհ են ձեռնարկել անվտանգության ուժերի անցակետերի վրա: Մամուլի քարտուղարի հավաստմամբ` անակնկալ գրոհի ընթացքում իրենք սպանել են 16, վիրավորել 7 ոստիկանների, 21 ոստիկանների պատանդ են վերցրել, ինչպես նաև նրանցից խլել շուրջ 30 ականանետներ և ինքնաձիգներ: Նրա խոսքերով՝ 4 թալիբներ գործողության ընթացքում վիրավորվել են:
Աֆղանստանի ՆԳՆ-ն միջադեպի կապակցությամբ առայժմ որևէ մեկնաբանություն չի տվել: