Բրիտանական կղզիներում այսօր տոն է՝ նշում են Ջեյմս Բոնդի ծննդյան 50-ամյակը: Ուղիղ կես դար առաջ էկրան է բարձրացել «բոնդիանայի» առաջին էկրանավորումը՝ Dr No-ն: Ընդհանուր առմամբ 007 լեգենդար գործակալի մասին նկարահանվել է 23 ֆիլմ:
Ջեյմս Բոնդի օրը ամեն ինչ խորհրդանշական է: Լոնդոնում տոնական ծրագիրը սկսվել է 00.07 -ին: Այս մասին հայտնում է Вести-ն:
Ծրագիրը բացվել է սուպերգործակալի արկածների մասին հերթական ֆիլմի սաունդթրեքի ներկայացմամբ: Գլխավոր դերում Դենիել Կրեյգի մասնակցությամբ Skyfall ֆիլմը մեծ էկրան կբարձրանա հոկտեմբերի 23-ին:
«Բոնդիանան» համարվում է կինոաշխարհի ամենաշահութաբեր նախագծերից մեկը: Բոնդի մասին ֆիլմերը ստեղծողներին բերել են ավելի քան 10 մլրդ դոլար:
