Անգլիական «Չելսի»-ի ֆուտբոլիստ Օսկարը խոսել է այն մասին, թե ինքն ինչպես է սկսել ֆուտբոլ խաղալ՝ նշելով, որ իր կուռքը եղել է բրազիլացի Կական:
«Երբ երեխա էի, մտածում էի պրոֆեսիոնալ ֆուտբոլիստ դառնալու մասին: Ես, ինչպես շատ բրազիլացիներ, սկսել եմ ֆուտբոլ խաղալ փողոցներում: Այնտեղ՝ Ամերիկայում, կային դաշտեր ու տարածքներ, որտեղ կարելի էր ֆուտբոլ խաղալ, բայց առավել հաճախ՝ դասերն ավարտելուց հետո, փողոցում էինք խաղում: Ահագին ժամանակ խաղալուց հետո իմ զարմիկներն ասացին, որ ես տաղանդ ունեմ: Դա սկսեց հետաքրքրել ինձ, ու որոշեցի դառնալ պրոֆեսիոնալ ֆուտբոլիստ»,- «Չելսի»-ի պաշտոնական կայքը մեջբերում է Օսկարի խոսքերը:
Օսկարը, խոսելով այն ֆուտբոլիստների մասին, որոնք իր կուռքն են հանդիսացել, ասաց. «Ամենակարևոր կուռքն ինձ համար եղել է Կական, քանի որ նա խաղացել է «Սան Պաուլո»-ում, որտեղ ես սկսել եմ իմ կարիերան: Նա մեր կուռքն էր: Ռոնալդինյոն ու Ռոնալդոն բարձրագույն մակարդակի խաղացողներ էին: Երբ ես երեխա էի, նրանք նույնպես խաղում էին եվրոպական թոփ-ակումբներում:
Այն ժամանակ ուզում էինք մեծանալ ու նրանց նման ֆուտբոլիստներ դառնալ: Նայում էինք, թե նրանք ինչ են անում խաղադաշտում, ապա փորձում էինք կրկնօրինակել: Իսկ հիմա ես տքնաջան աշխատում եմ, որ հասնեմ այն ամենին, ինչին նրանք հասան»:
