«Աբորտների նավը» Նիդերլանդներից ժամանում է Մարոկկո՝ բողոքի հզոր ալիքների ներքո: Սյդ երկրի քաղաքացիական և կրոնական օրենքներով` արգելվում է աբորտ անել:
Ոչ առևտրային «Կանայք` ալիքներին» (Women on Waves) կազմակերպության անդամները մտադիր էին աբորտներ իրականացնել հենց «լողացող կլինիկայում»` չեզոք ջրերում: Մարոկկոյի իշխանությունները հայտարարել են, որ նավը թույլ չեն տա մուտք գործել Սմիրի նավահանգիստ: Այս մասին հաղորդում է MedDaily-ն:
Մարոկկոյի կրթության նախարար Լասխեն Դաուդին իր հերթին ընդգծել է, որ ցանկացած նավ, որը մուտք է գործում Մարոկկո, պետք է հարգի տեղի օրենքները:
Ինչպես նկատում են հոլանդացի ակտիվիստները, իրենց նպատակն այն է, որ կանայք հնարավորություն ունենալ անցկացնել օրինական ու անվտանգ աբորտներ` մինչև հղիության 6,5 ամսականը:
Նրանց խոսքով՝ ավելի լավ է աբորտ անել նավի վրա, քան սեփական անձը վտանգել` դիմելով բուժակներին:
Վիճակագրության համաձայն՝ ամեն տարի 600-800 մարոկկուհիներ աբորտ են անում, և միայն 200-ի դեպքում է, որ դրանք ճիշտ են կատարվում: «Փողերն այստեղ ամեն ինչ որոշում են: Նման իրավիճակի հետևանքով տարեկան մահանում է 78 կին»,- ասել է արևմտյան բժիշկներից մեկը:
