Նոր Զելանդիայի գիտնականները եկել են եզրակացության, որ D վիտամինի պարունակությամբ դեղամիջոցները չեն օգնում խուսափել հարբուխից կամ մեղմացնել ախտանշանները: Օտագո համալսարանի հետազոտողները` Դեվիդ Մերդոկի գլխավորությամբ փորձաքննություն են անցկացրել, որին մասնակցել է 322 առողջ մարդ: 18 ամսվա ընթացքում մասնակիցների կեսը ստացել է D վիտամիտով սննդային հավելումներ: Այս մասին հայտնում է Rosbalt.ru-ն:
Առաջին խմբում գրանցվել է հրաբուխի 593 դեպք, իսկ երկրորդում` 611: Երկու խմբերում էլ մրսածության ախտանշանները տևել են միջինը 12 օր:
Իսպանացի տնային բժիշկ Խոսե Մարիա Մոլերոյի խոսքով` սա հաստատում է այլ հետազոտությունների տվյալները: D վիտամինը օգտակար է նրանց համար, ովքեր ունեն այդ վիտամինի պակաս, կամ շնչառական օրգանների քրոնիկ հիվանդություն: Նրա խոսքով` C և E վիտամինների պարունակությամբ դեղամիջոցների արդյունավետությունը հարբուխի դեպքում նույնպես ապացուցված չէ գիտությամբ:
Բժիշկը հայտնել է որ միայն ցինկի պարունակությամբ սննադային հավելումները կարող են հարբուխի տևողությունը 2-3 օրով կրճատել: Սակայն այդ դեղամիջոցները թանկ արժեն` չհաշված կողմնակի ազդեցությունները:
«Ներկայում հարբուխը կանխելու միջոցներ չկան»,- եզրափակել է Մերինոն:
Նախկինում որոշ փորձագետներ հայտնել են, որ մրսածության դեմ կարելի է պայքարել` կծու սնունդ օգտագործելով: Երեխաներին կարելի է մեղր առաջարկել, իսկ հիվանդ կոկորդին օգտակար է կարտոֆիլի խյուսը: Մրսածության ժամանակ խորհուրդ է տրվում հրաժարվել կաթնային և թթվակաթնային մթերքներից` դրանք նպաստում են հիվանդածին միկրոբների աճին:
