Samsung ընկերությունը դիմել է Կալիֆոռնիայի դատարան՝ սեպտեմբերին վաճառքում հայտնված iPhone 5 սմարթֆոնը Apple-ի դեմ արտոնագրային խախտումների հայցում ներառելու խնդրանքով: Հայցում Samsung-ը մեղադրում է Apple-ին իրեն պատկանող 8 արտոնագրերի խախտման մեջ: Այս մասին հաղորդում է РИА Новости-ն:
Apple-ի նորույթը հայցում ներառելու մտադրության մասին Samsung-ը հայտարարել է սեպտեմբերի 20-ին՝ iPhone 5-ի վաճառքի մենարկից մեկ օր առաջ: Նոր մոդելի թողարկումից մեկ շաբաթ անց` ուսումնասիրություններից հետո, Samsung-ը նրանում հայտնաբերել է իր կողմից արտոնագրված տեխնոլոգիաների կիրառում և տեղեկացրել մրցակցին մեղադրանքների ընդլայնման մասին:
Ընկերությունների գլոբալ արտոնագրային հակամարտությունը շարունակվում է անցած տարվա գարնանից, երբ Apple-ը մրցակցին մեղադրեց իր արտադրանքների արտաքին տեսքն ու ինտերֆեյսի տարրերը պատճենելու մեջ:
Եթե դատարանը հրաժարվի iPhone 5-ը ներառել հայցում, ապա Samsung-ը առանձին հայց կներկայացնի:
