ConocoPhillips ընկերությունը հայտնել է Ղազախստանի նավթի ու գազի նախարարությանը, որ հնարավոր է՝ «Քաշաղան» նախագծում իր մասնաբաժինը վաճառի: Այս մասին, ինչպես հաղորդում է ադրբեջանական Trend գործակալությունը, КazEnergy ֆորումի շրջանակներում հայտնել է Ղազախստանի նավթի նախարար Սաուտ Մինբաևը:
«Կան գործընկերներ, որոնք պատրաստ են գնել այդ փաթեթը»,- ասել է Մինբաևը՝ կոնկրետ չնշելով, թե գործընկերներից ով է պատրաստ գնել ConocoPhillips-ի մասնաբաժինը:
Ավելի վաղ հաղորդվում էր, որ Ղազախստանը Eni, Exxon Mobil, ConocoPhillips, Royal Dutch Shell, Total և Inpex Holdings Inc. ընկերությունների հետ 2005 թվից փորձում է նավթի արդյունաբերական արդյունահանում սկսել «Քաշաղանում»: Մի քանի տարվա ձգձգումներից հետո դրվել է վերջնաժամկետ՝ 2012 թ. վերջից մինչև 2013 թ. կեսեր:
«Քաշաղանն» աշխարհի խոշորագույն հանքահորերից է, որը բացվել է 4 տարի առաջ: Վերլուծաբանների կանխատեսումներով, Ղազախստանը բոլոր շանսերն ունի մտնելու աշխարհի խոշորագույն նավթարդյունահանողների հնգյակ: