ԱԺ նախագահ Հովիկ Աբրահամյանն այսօր լրագրողների հետ ճեպազրույցում անդրադարձավ ՀՀ կողմից ԵԽԽՎ բանաձևերի կատարման ընթացքին։
Միևնույն ժամանակ Աբրահամյանը նշեց, որ Հայաստանում չկան քաղբանտարկյալներ, իսկ ընդդիմադիր գործիչներին ազատ արձակելու հարցն իր իրավասության սահմաններում չի։
«Մեր բանաձևերը, մեր պարտավորությունները, որ մենք ունենք, բոլորն իրականացնելու ենք: Միշտ հիշեք` բանաձևերը ՀՀ իշխանությանը չեն պարտադրվում, դրանք առաջարկվում են»,- հայտարարեց նա։
Իսկ լրագրողի հարցին, թե կատարում եք բանաձևերը, թե ոչ, նա ասաց. «Ի՞նչ է նշանակում բանաձևերը կկատարե՞ք, թե՞ չեք կատարի: Նրանք իրավունք չունեն մեզնից որևէ բան պահանջելու: Եթե մենք պարտավորություն ենք վերցրել, ուրեմն կիրականացնենք, իսկ ինչ վերաբերում է պահանջներին, նման բան չկա»:
Ի դեպ, Հովիկ Աբրահամյանը նաև կարծիք հայտնեց, որ մարտի 5-ին Ս. Սարգսյան-Ի.Ալիև հանդիպման ժամանակ դրական տեղաշարժ է գրանցվելու։