Գերծանրքաշային բռնցքամարտի IBF/IBO/WBA/WBO վարկածներով աշխարհի չեմպիոն Վիտալի Կլիչկոն վերհիշել է Կորի Սանդերսի դեմ մենամարտը: Հիշեցնենք, որ Սանդերսն անցած շաբաթ հրազենային վնասվածքից մահացավ:
2003 թվականին տեղի ունեցած Սանդերս – Կլիչկո մենամարտում Կորիին հաջողվեց նոկաուտով պարտության մատնել ուկրաինացի բռնցքամարտիկին:
«Սանդերսի կողմից կրած պարտությունն իմ բնավորության մեջ շատ փոփոխություններ կատարեց: Այն դարձրեց ինձ ավելի ուժեղ, ավելի փորձառու: Առանց Կորիի դեմ ունեցած մենամարտի, ես չէի կարողանա լինել այնպիսին, ինչպիսին կամ: Սանդերսի հետ մենամարտից թեˊ առաջ, թեˊ հետո ոչ ոք ինձ այնպես չի հարվածել, ինչպես նա:
Բռնցքամարտի աշխարհը կհիշի նրան իբրև լավ բռնցքամարտիկի ու գերազանց մարդու: Ոչ մի բացասական բան չեմ կարող ասել Կորիի մասին»,- Eyewitness News-ը մեջբերում է Վիտալիի խոսքերը:
