Շվեյցարիայի դատարանը սեպտեմբերի 26-ին արգելել է երկրի խոշորագույն բանկերից մեկին՝ Credit Suisse-ին, ամերիկյան հարկային ծառայությանը գաղտնի տեղեկություն տրամադրել ծառայողների մասին: Ինչպես հաղորդում է Agence France-Presse-ը, արգելքը կգործի այնքան ժամանակ, քանի դեռ դատարանը չի լսի երկու կողմերին:
Credit Suisse-ին ԱՄՆ հարկային ծառայություններին տեղեկություններ էր տրամադրում իր աշխատակիցերի մասին, ինչպես պահանջում էին ԱՄՆ իշխանությունները շվեյցարական բանկերի մասնակցությամբ հարկերից խուսափելու սխեմաների հետաքննության ընթացքում:
Աշխատակիցներից մեկի փաստաբանի խոսքերով՝ դատական արգելքը վկայում է այն մասին, որ գաղտնի տեղեկության բացահայտումը աշխատակիցների մասին կարող է անօրինաան լինել և նախազգուշացում կդառնա այլ բանկերի համար: Հարկային խարդախությունների վերաբերյալ ամերիկյան հետաքննությունը վերաբերում է 11 արտասահմանյան բանկերի:
Սա շվեյցարական դատարանի առաջին որոշումը չէ, որով պաշտպանվում են բանկային տվյալներն ԱՄՆ հարկային ծառայություններից: Ավելի վաղ՝ 2012 թ. ապրիլին, դատարանն արգելել էր Credit Suisse-ին նրանց տեղեկություններ տրամադրել բանկի հաճախորդների հաշիվների մասին:
Credit Suisse-ը նախկինում արդեն գրավել է ԱՄՆ իշխանությունների ուշադրությունը: 2009 թ. ԱՄՆ դատախազությունը հետաքննություն անցկացրեց նրա գործունեության վերաբերյալ՝ Իրանի դեմ ամերիկյան պատժամիջոցները խախտելու կասկածանքով: 2011 թ. Credit Suisse-ը խոստովանեց, որ օգնել է թաքցնել օտարերկրյա հաճախորդների միջոցները հարկայիններից, և ԱՄՆ-ին ու Գերմանիայի վճարեց շուրջ 400 մլն եվրո:
