Համցանցային պրովայդերները կատարել են Չեչնիայի Հանրապետության դատախազության որոշումը և արգելափակել են YouTube-ը, հակաիսլամական ֆիլմի դիտումը թույլ չտալու համար: Այդ մասին Չեչնիայի Հանրապետության ղեկավար Ռամզան Կադիրովին զեկուցել է Չեչնիայի Հանրապետության տրանսպորտի և կապի նախարարը:
Նա նշել է, որ ռեսուրսն անմիջապես փակվել է, ապա ավելացրել է, որ նամակներ է ուղարկել բջջային օպերատորների ղեկավարություններին` խնդրելով փակել այդ ֆիլմը ցուցադրող բոլոր ռեսուրսները:
МегаФон և Билайн ընկերություններն անմիջապես արձագանքել են և արգելափակել են, իսկ MTC-ն հաղորդագրություն է ուղարկել և նշել, որ կփակի բոլոր այն ռեսուրսները, որոնք հնարավոր է, իսկ որոնք էլ չեն փակվի, ապա ֆայլերի ներբեռնման արագությունը կդանդաղեցվի:
Կադիրովը նշել է, որ բջջային օպերատորները պետք է հաշվի առնեն հասարակության կարծիքը: «Այդ ֆիլմը վիրավորում է մահմեդականներին և ուղղված է ազգամիջյան կոնֆլիկտների հրահրմանը: Մեր երկրում տարբեր դավանանքներ ունեցող ազգերը մեկը մյուսին հարգանքով են վերաբերվում: Պետության ղեկավարությունը միանշանակ դատապարտել է այդ ֆիլմի ստեղծումը: Ուստի մեր պետության տարածքում իրենց գործունեությունն իրականացնող բջջային օպերատորները պետք է հաշվի առնեն իրենց հաճախորդների կարծիքը և ամբողջությամբ փակեն ռեսուրսները, որոնք թույլատրում են ֆիլմի ցուցադրությունը»:
